On line creationSculptures
Funeral.
Tetin reffaict, plus blanc qu'ung oeuf,
Tetin de satin blanc tout neuf,
Tetin qui faitz honte à la rose,
Tetin plus beau que nul chose
Tetin d'or, non pas Tetin, voyre,
Mais petite boulle d'Ivoire,
Au milieu de qui est assise
Une Fraise, ou une Serise
Que nul ne voyt, ne touche aussi,
Mais je gage qu'il est ainsi.
Tetin donc au petit bout rouge,
Tetin qui jamais ne se bouge,
Soit pour venir, soit pour aller,
Soit pour courir, soit pour baller,
Tetin gauche, tetin mignon,
Tetin loing de son compaignon,
Tetin qui porte tesmoignage
Du demourant du personnage,
Quand on te voit, il vient à maintz
Une envie dedant les mains
De te taster, de te tenir:
Mais il se fault bien contenir
D'en approcher, bon gré ma vie,
Car il en viendroit autre envye.
O tetin, ne grand, ne petit,
Tetin meur, tetin d'appetit,
Tetin qui nuyct et jour criez:
Mariez moy tost, mariez!
Tetin qui tant t'enfles, et reoulses
Ton gorgias de deux bons poulces,
A bon droit heureux on dira
Celluy qui de laict t'emplira,
Faisant d'un tetin de pucelle
Tetin de femme entiere et belle.
Clément Marot
IMAGIQUES
Images free from royalties /
Painting / Sculpture / Pottery
/ Furniture / Graphic
design / Funeral art /
Key-words / Computer
moving / Remarks
about.../
How to command a creation
/
Shared creation / Day
to day archeography /
And more for you in this site:
Sculptures to be assembled by yourself...
The oldest story of the world according to
the Sumerian people...
Your life in a painting or a sculpture...